Ջրափի գյուղ

Ջրափի, գյուղ Մարալիկի տարածաշրջանում, Մարալիկ քաղաքից 16 կմ հարավ-արևմուտք, մարզկենտրոնից գտնվում է 32 կմ հեռավորության վրա։ Գյուղը տեղադրված է Ախուրյան գետի ձախափնյա սարահարթում՝ ծովի մակարդակից 1500 մետր բարձրության վրա։ Ունի ցուրտ կլիմա, սակավ տեղումներ։ Լինում են ուժեղ քամիներ, հաճախակի են մառախուղները և ձնաբքերը։ Ամառը տաք է, համեմատաբար խոնավ։

• Ամրոց Ք.ա. 2-1 հազ. գյուղից 1 կմ աե, գյումրի տանող ճանապարհի աջ կողմում
• Դամբարանադաշտ Ք.ա. 2-1 հազ. ամրոցի շրջակայքում
• Բնակատեղի Ք.ա. 3-1 հազ. գյուղից աե
• Բնակելի համալիր ուշ անտիկ շրջան-վաղ միջնադար գյուղից դուրս, Արմավիր-Գյումրի խճուղու աջ կողմում  բաղկացած է 4 մեծ կացարաններից
• Եկեղեցի 19 դ. գյուղի մեջ
• Կամուրջ 10-13 դդ. Ախուրյան գետի վրա
• Հուշարձանների համալիր հս կողմում, Գյումրի-Արմավիր ճանապարհից 300 մ աե հուշարձանները տեղափոխվել են Ախուրյանի ջրամբարի տարածքից
• Եկեղեցի 7 դ.  տեղափոխված է Շիրակավանից
• Եկեղեցի 1867 թ.  տեղափոխված է Վերին Ջրափի գյուղից
• Քարավանատուն 10-11 դդ.  տեղափոխված է Ներքին Ջրափի գյուղից