Առողջությանը սպառնացող վտանգներ որպես այդպիսիք չկան: Փոխպատվաստումների անհրաժեշտություն չկա: Հայաստանի գրեթե ամբողջ տարածքը բարձր լեռնային գոտիներ են: Այդ  պատճառով թթվածնի պակասը զգացվում է ամենուրեք, քանի դեռ օրգանիզմը չի հարմարվում տեղի միջավայրին: Չոր օդը հավելյալ դժվարություններ է ստեղծում: Այդ պատճառով առաջին երկու օրը օգտակար է անցկացնել Երևանում և հարակից շրջաններում: Սարահարթային կլիման ևս իր դժվարություններ է առաջացնում: Ամռանը` ցերեկվա ժամերին շոգ է, իսկ գիշերները բավականին ցուրտ, ինչը ևս տվյալ տեղանքում ավելի դժվար տանելի է: Հյուրանոցներում, բիզնես կենտրոններում, հասարակական վայրերում և նորակուռույց շենքերում տեղադրված են և լայնորեն կիրառվում են ջեռուցման ժամանակակից համակարգեր: Ջրամատակարման ընդհատումներ կան միայն ծայրամասային թաղամասերում: Որոշ թաղամասերում ջուրը գալիս է առավոտյան և երեկոյան ժամերին: Գյուղերում ջրամատակարարումը իրականացվում է հիմնականում տեղի առուների և բաց աղբյուրների միջոցով: Դրանց ջուրը մաքուր է և շատ համեղ: Տեղաբնակները խստապահանջ են անձնական հիգիենայի հարցերում և հետևում են ինչպես իրենց հագուկապի և մարմնի մաքրությանը, այնպես էլ զրուցընկերների: Երևանը բավականին փոշոտ քաղաք է, որի հիմնական պատճառներից մեկը համատարած շինարարությունն է, սակայն ամեն առավոտ քաղաքը մաքրվում է հատուկ ջրցան մեքենաներով: