Կ. ԴԵՄԻՐՃՅԱՆԻ ԱՆՎ. ՄԱՐԶԱՀԱՄԵՐԳԱՅԻՆ ՀԱՄԱԼԻՐ

Մարզահամերգային համալիրի շենքը հանձնվել է շահագործման 1983 թվականին։   Կառույցի ճարտարապետական նախագիծը պատկանում է Կ.  Հակոբյանին, Ա. Թարխանյանին,  Հր.  Պողոսյանին,  Ս.  Խաչիկյանին,  Գ.  Մուշեղյանին Օ.  Բերբերյանին, քանդակագործ՝ Ֆ. Առաքելյան։   Համալիրը բաղկացած է երկու դահլիճից`«Մեծ դահլիճ»,  որն ունի 5000  նստատեղ, «Փոքր դահլիճ»`  1300 նստատեղով։ Պտտման եղանակով սրահների միացման շնորհիվ յուրաքանչյուր դահլիճում ավելանում է 1000 տեղ։ 1987 թվականից համալիրի համերգային դահլիճը զարդարում է ժողովրդական նկարիչ Գրիգոր Խանջյանի էսքիզներով ստեղծված «Վերածնունդ» վարագույր–գոբելենը։