Ափնագյուղ գյուղ

Ափնագյուղ, գյուղ Հայաստանի Արագածոտնի մարզում։ Գտնվում է Քասաղ (գետ)ի աջ ափին, Ապարան-Երևան ավտոմայրուղու ձախ կողմում, շրջկենտրոնից 15 կիլոմետր հարավ, ծովի մակերևույթից 1801 մետր բարձրության եռանկյունաձև հարթ բարձունքի վրա։ Տները քարաշեն են և բարետես։ Խմելու ջուրը գյուղ է բերվել 6 կիլոմետրանոց խողովակաշարով՝ Վարդենուտ գյուղի մոտակայքից։

Հայկական խոհանոցին ափնեցի կանայք տվել են յուրահատուկ ուտեստ՝ կանեփով տոլման (հետագայում այս ճաշատեսակից անցել են պասուց տոլմային)։

• Դամբարանադաշտ «Կարմիր դարեր» մ.թ.ա. 2-1 հզ 1 կմ հվ-աե
• Եկեղեցի Սբ. Գրիգոր 1862 թ. հվ-աե մասում   գյուղի եզրին
• Եկեղեցի Զորավոր 13-14 դդ. աե մասում  գյուղի եզրին, կիսավեր
• Կամուրջ 19 դ. գ.մ.  գյուղի եզրին գտնվող ջրամբարի մոտ
• Հուշարձան` Երկրորդ աշխարհամարտում զոհվածներին 1973 թ. գ.մ.